Myklebust, som òg er fastlege, meiner at det kan bli vanskeleg å rekruttera legar til distriktet, dersom det vert vanleg praksis å krevja pengar frå nye legar.

– Det kan heilt opplagt verta problematisk å rekruttera der det er rekrutteringsproblem generelt. Det er også delte meiningar om dette blant legane, avhengig av ståstad. No er ikkje goodwill verken ulovleg eller snuskete, det har berre vore uvanleg å bruka det her i Indre Sogn sidan legane kjem til duk og dekka bord. Legane har driftsavtale der kommunen held både utstyr og personell, heilt eller delvis. Det er ikkje rimeleg å ta goodwill i ein slik samanheng, meiner Myklebust.

I Årdal har problemstillinga kring goodwill vore framme i samband med ei nytilsetjing dei siste åra. Men elles har ein i Sogn, utanom i Sogndal, ikkje vore borti problemstillinga med legar som krev goodwill. Det syner ein ringerunde Sogn Avis har gjort.

Les også: – Ikkje lov å selja lister