1. september utbetalte Norsk Tipping nye 83 millionar kroner frå Grasrotandelen. Sogn og Fjordane har nær 18.000 grasrotgjevarar og desse har til no i år bidrege med 4.748.987 kroner til lag og foreiningar i fylket.

– Me har som forventning å kunne dela ut over 250 millionar kroner til grasrota i år, og det trur me at me kjem til å klara. Det er framleis eit stort uutnytta potensial for Grasrotandelen, og her er det berre for lag og organisasjonar å setja i gang med haustjakta på nye potensielle grasrotgjevarar, seier konstituert kommunikasjonssjef Magne Vikøren i Norsk Tipping.

Grasrotandelen gjev spelarane moglegheit til å vera med og bestemma kva noko av overskotet til Norsk Tipping skal gå til. Kvar gong grasrotgjevarane spelar på eitt av spela til Norsk Tipping, går fem prosent av innsatsen deira til laget eller organisasjonen dei har knytt seg til

Dette er den andre av tre årlege utbetalingar. Den neste utbetalinga er 1. januar, vert det opplyst i ei pressemelding.