Fredag denne veka skulle me ha skipa til finale i SognaQuiz og SognaTriks på Hermansverk, men mellom anna fordi så mange av finalistane ikkje hadde høve til å møta - så har me valt å avlysa.

– Men me vil absolutt premiera dei som deltok og som var kvalifisert for finalane i dei to tevlingane. Desse vil bli kontakta snarast, lovar Geir Bjarte Hjetland i Sogn Avis.

Han forsikrar om at Sommarpatruljen kjem attende neste sommar, også då med lokale tevlingar.

– Å reisa ut og møte lesarane våre er noko av det kjekkaste me kan gjera, og det har vore utruleg kjekt denne sommaren, seier Hjetland.

- I alt var Sogn Avis si sommarpatrulje innom ni av sognekommunane og me fekk mange gode tilbakemeldingar på det arbeidet me gjer med avisa vår.