Ein strålande cruisesesong i Flåm går mot slutten. Tysdag var «Costa Delizioza» på 92.700 bruttotonn på sitt sjuande besøk til Flåm i sommar. Skipet kan ta 2.816 passasjerar og har ein besetning på 906 personar. Samstundes var «Ventura» på heile 116.000 bruttotonn på plass. Skipet har plass til 3.296 passasjerar og eit crew på 1.217 personar. «Ventura» har vore i Flåm fire gonger denne sommaren.

No er det berre fem mindre skip på veg i september før cruseseongen er over.

Driftsleiar Sivert Bakk i Flåm Utvikling, opplyser at Flåmsbana køyrer fire veker til med sommarruter, og at ein framleis har godt med bestillingar til langt ut i oktober.