I fleire år har Turistforeningen arrangert singeltreff på hytter i fjellheimen.

Krevjande tur

Nytt av året er tur frå hytte til hytte for einslege. Neste tur, med start onsdag, går frå Sognefjellshytta og ned til Skogadalsbøen. På Bøen bur gruppa i tre dagar og går fotturar. Søndag går ferda gjennom Utladalen, ned til Vettismorki og Hjelle.

– Turen er markert med fire støvlar som betyr at dette er ein krevjande tur. Me skal ha deltakarar som likar å vera på tur, seier turkonsulent Hilde Magnussen i Turistforeningen.

Humørfylt

Kjell Hjellødegård har, saman med Marit Hjellødegård, vore styrar på Skogadalsbøen i åtte år.

– Tilsvarande singeltur i juli var utruleg moro, seier han.

Den fullteikna turen med 30 single med 3 dyktige turleiarar var eit humørfylt innslag i sommarrushet Gruppa som kjem no, får det nok litt rolegare sidan fellesferien er slutt.

– Men me får håpa dei får same gode vêret, legg han til.

Ledige plassar

Deltakarane på den førre singelturen fekk med seg både Fannaråken og Friken. Det var ein sprek gjeng som gjesta Skogadalsbøen i juli.

Deltakarane som kjem til veka, er noko yngre. 25–40 år må du vera for å delta på denne singelturen. DNT Oslo og Omegn, som arrangerer turen, melder at det enno er nokre ledige plassar og at dei gjere vil ha med single frå Sogn.