Norges Husflidslag er 100 år og Hordaland Husflidslag er 115 år i år. Dette skal markerast med aktivitetar i og utanfor Husfliden 27. til 29. mai på Vågsallmenningen i Bergen.

Laurdag 29. mai vil publikum ikkje berre få sjå bruredrakta. Dei skal òg få sjå på bunaden, påkledning og pynting av brurebunader.

Åtte jenter skal verta pynta i bruredrakter frå Voss, Austevoll, Nordhordland, Osterøy, Strandebarm, Jølster og Luster.

I tillegg demonstrerer dei teknikkar tilknytta bunad: Fletting og påknyting av sokkeband, flosskant på bunadshuer, band på grindvev og brudepynting.

Arrangementet er eit samarbeid mellom Hordaland Husflidslag, Sogn og Fjordane Husflidslag, husflidskonsulenten i Sogn og Fjordane, kultur- og næringskonsulenten i Hordaland og Husfliden Bergen AS.