Olga Valsvik smelte til frå start og var raskast i rullatorklassen i den 100 meter lange løypa då Årdal Bu og omsorgssenter arrangerte rullator og rullestolløp for 25 spreke pensjonistar.

– Eg vart litt stiv, det hadde vore betre om me hadde hatt løpet litt seinare på dagen, kommenterte Olga etter målpassering.

Jørgine Kvalevåg (100) var desidert kjappast med rullestolen under rullator og rullestolløpet ved Årdal Bu- og omsorgssenter måndag.

– Ja, dette var artig å vera med på. Kjekt med litt forandring i dagane også, sa ei nøgd Kvalevåg etter premieutdelinga, der ho sikra seg ei flaske med årdalsvatn, eit handlenett og ein termos.

Eldste deltakar var 105 år gamle Marte Brun.

I tillegg til bebuarar ved Årdal Bu- og Omsorgssenter, deltok det også fleire frå verna bustad og AD-bustadene. Tema for verda sin aktivitetsdag i år er fysisk aktivitet for eldre. Og det vart skikkeleg aktivitet ved omsorgssenteret den dagen.

Les meir om det spesielle løpet i Sogn Avis onsdag.