Rundt 50 filmfolk og skodespelarar vil ha Sogndal som base for opptak gjennom heile juni og juli.

– Noreg har fantastiske locations for filmopptak, og etter å ha filma i Kalvåg og Bremanger i fjor, ynskjer me no å skyta film i fjordmiljøet ved Sognefjorden, seier linjeprodusent Hartmut Damberg frå produksjonsselskapet Studio Hamburg Production Gmbh.

To filmar

– Me skal laga to filmar på 90 minutt for den tyske statskanalen ARD Das Erste, og me trur at programma vil bli sett av mellom 10 og 12 millionar tyskarar til saman, i beste sendetid. Dette er topp noregsreklame, og me kan berre tenkja oss kva dette vil ha å seia for turismen til Sognefjorden, seier location manager Eirik Vaage frå Frost Media.

Han har funne fram til spanande opptaksstader i Sogn som han den siste veka har vist til Hartmut Damberg frå det tyske produksjonsselskapet. Dei kan røpa at Solvorn og Fjærland er nokre av stadene dei har kika på, men ingen ting er fastsett enno, anna enn at det vil bli opptak i Bokbyen sidan sentrale delar av handlinga i den eine filmen går føre seg der.

– Både Fjord Noreg og Innovasjon Norge er samarbeidspartnarar i prosjektet, seier Vaage.

Les meir om filminnspelinga i papiravisa tysdag.