«Årets kvinnelege artist» under årets Spellemannspris, Noora Noor, kjem til Balejazz.

Det gjer også den suksessrike og plateaktuelle jazzartisten Hilde Louise Asbjørnsen.

Fyrverkeri

Balejazz er stolte over å kunna sleppa til den fantastiske soulstemma til Noora Noor! I fjor gav ho ut plata «Soul Deep» – og det var dette albumet som gav henne «Årets kvinnelege artist» under Spellemannprisutdelinga for nokre veker sidan. Noora Noor er eit fyrverkeri på scena, og hausta terningkast seks i VG, medan musikkjournalistane i Aftenposten og Adresseavisen gav ho fem på terningen.

– Me er også glade for å kunna presentera Hilde Louise Asbjørnsen. Denne nydelege jazzstemma er i ferd med å gje ut sitt femte album, «Never Ever Going Back» (er snart i butikkane). Denne plata har alt rekt å få svært gode kritikkar i norsk platepresse. Albumet er ei lystig reise i Asbjørnsens sine flørtande melodiar og tekstar, i ein groovy og original produksjon, heiter det i pressemelding frå Balejazz, som i år går av stabelen 7. til 9. mai.

Meir i vente

Heile programmet til Balejazz, reknar ein med å ha klart i løpet av neste helg.

– Dette er me stolte av å kunna presentera og publikum har mykje å gle seg til, lovar Balejazz-general Sigurd Kvikne