Tjuvar får svi
Dei to mennene frå Litauen hevda dei var på fisketur i Årdal, men vart ikkje trudd i retten. No er dei dømde til fengsel for over 50 tilfelle av tjuveri over heile landet.
Det var i byrjinga av juni i fjor at politiet i Årdal fekk melding om innbrot i to bilar i Seimsdalen, der GPS-utstyr, kontantar og kredittkort forsvann i løpet av natta.
Same natt vart ein bag med godt brukte og nokså illeluktande overtrekksdrakter tilhøyrande Årdal FK stolen frå ein garasje på Tippen. Den dukka opp eit par dagar seinare i ei veggrøft på Gjøvik.
Tre tilfelle i Sogn
To menn på 24 og 28 år frå Litauen vart denne veka dømde for både desse og godt 50 andre tilfelle av tjuveri frå Senja i nord til Sogn i sør. Dei må no bu seg på å sitja inne i høvesvis to år og eitt år og åtte månader som følgje av tjuveraidet.
– Dei er dømde for til saman tre tilfelle av tjuveri her i Årdal, noko som stemmer overeins med det me mistenkjer dei for, opplyser førstebetjent Helge Øvstetun ved Årdal lensmannskontor.
Les meir om saka i Sogn Avis i dag.
Mest lese nett no
Mest populære biletseriar
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
Nye kommentarar