Det betyr at fylkeskommunen si løyving til kommunale næringsfond har auka med to millionar frå 2009.

– Møta på god måte

Midlane skal vera med på å leggja til rette for fleire næringsetableringar i kommunane.

Frå fylkeskommunen vert det understreka at kommunane må møta etablerarar og bedrifter i kommunen på ein god måte.

– Dei er ofte den første som etableraren møter i det offentlege tiltaksapparatet. Det er difor viktig at kommunane har eit velfungerande næringsapparat som kan vera ein god hjelpar. Kommunale næringsfond skal medverka til eit godt næringsarbeid i kommunane, heiter det i ei pressemelding.

For å få tildelt midlar til kommunale næringsfond, må kommunane oppfylla gjevne krav som er fastsette av fylkeskommunen. Mellom anna er det eit krav at ein har eit næringsapparat for å ivareta arbeidet, og ein strategi for næringsutvikling.

Slik blir midlane fordelte i 2010:

Askvoll: 748.809

Eid: 920.410

Fjaler: 739.596

Førde: 1.292.877

Gaular: 735.596

Gloppen: 911.198

Gulen: 706.841

Hornindal: 642.114

Hyllestad: 658.672

Jølster: 747.725

Leikanger: 699.616

Naustdal: 729.300

Selje: 738.091

Sogndal: 991.821

Solund: 620.438

Stryn: 987.727

Vågsøy: 929.262

Det er kommunane med lågast konsesjonsinntekter som kan få tilskot frå fylkeskommunen til kommunale næringsfond. I 2010 gjev Hovudutval for plan og næring tilskot til at alle kommunar med konsesjonsinntekter under 1 million kroner.

70 prosent av tilskotet vert fordelt som ei grunnløyving, medan 30 prosent vert fordelt etter storleiken på folketalet.