Gunn Sande i Selje Sp oppmodar alle i fylket om å senda eit postkort til til styret i Helse Førde v/Clara Øberg og seia kva dei meiner om planane for lokalsjukehusa i fylket.

– Styret har sendt ut på høyring saka om nedlegging av lokalsjukehusa i Nordfjord og Sogn, og når nokon sender noko ut på høyring, går eg utifrå at dei ynskjer tilbakemelding på det dei har sendt ut, seier ho.

På postkortet vil ho at folk skal skriva om dei er for eller mot nedlegging av Nordfjord og Lærdal sjukehus.

– Med det meiner eg at styret i Helse Førde får tilbakemelding på høyringa si om akkurat denne saka. Om dei tek omsyn til det, det er ei anna sak, men ingen skal i alle fall koma og seia at det ikkje har kome reaksjoner på høyringa, seier Gunn Sande.