Prisen gjekk til Tangen skule for å ha gjennomført målretta kompetanseheving i 2009.

Kompetanseprisen blir delt ut kvart år og går til den arbeidsplassen som har utmerka seg mest når det gjeld kompetanseheving.

Inspektør Øyvind Heggheim tok imot prisen frå ordførar Arild Ingar Lægreid. Han slo fast at dei på skulen var stolte over å ha fått ein slik pris.

– Eg har jobba på skulen i 30 år. Det er ein god arbeidsplass med eit uhorveleg kjekt kollegium, noko som sjukefråveret på 1,7 prosent syner.

Heggheim sa at skulen stadig hadde krav på seg til kompetanseheving, for å ta vare på særlege behov.

– Me må også vera selektive og stilla krav til dei som skal ut og skaffa seg kompetanse, og syta for at dei deler den med andre når dei kjem att.