Då det gamle hotellannekset vart jevna med jorda, var det ein klar førestnad at bygget skulle reisast i same stil som før. I ettertid har Aurland Resursutvikling lansert eit nytt alternativ i funkisstil. Dette har skapt stort engasjement i turistbygda og mellom anna enda opp i ein underskriftsaksjon. No har motstandarane vunne første kampen. Måndag vedtok hovudutvalet for plan og utvikling at det ikkje blir gitt dispensasjon til å føra opp det planlagde bygget på tomta. Utvalet krev at Aurland Ressursutvikling arbeider ut ein reguleringsplan for området der ein skisserer bruken av arealet, også med tanke på parkering. Når det er gjort kan Aurland Ressursutvikling koma med ein ny søknad, men signala i utvalet var sterke på at ein ikkje likte fasaden på det «nye annekset».