Ei kvinne i 20-åra kom lettare til skade i eit trafikkuhell ved eit rasoverbygg på rv 5 rett før Støylsnestunnelen ved Kjøsnesfjorden. Kvinna var åleine i bilen. Bilen var på veg mot Sogndal.

Politi, helse og brann vart sende til staden.

Ifølge opplysningar frå politiet var det svært glatt på staden. Vegmeldingssentralen vart varsla om føreforholda og ville senda ut strøbil, opplyser politiet, som fekk melding om uhellet klokka 13.25 måndag.