– Me legg ikkje ned butikken. Likevel er det behov for å sjå nærare på kva me kan gjera for framtida. Ei nedlegging ville gjeve store konsekvensar, seier Geir Espe, adm.dir. i Coop Vest.

I tillegg til ordinær butikkdrift, handterer Coop nærkjøp i Fresvik også sal av drivstoff og medisinar.

– Me vil i dialog med Vik kommune og vil gå ein runde og sjå kva me kan gjera i lag med tanke på å få til ei forbetring av resultatet, som ikkje er godt nok slik situasjonen er i dag, seier Espe.

Han trekkjer også inn hjørnesteinsbedrifta Fresvik produkt.

– Med tanke på rekruttering til fabrikken, må ein kunne forventa å få kjøpa brød og mjølk i bygda. Coop Vest føler difor eit samfunnsansvar, seier Geir Espe.