Psykolog Atle Dyregrov er fagleg ansvarleg for kurset, som tek føre seg omsorg for pårørande. Kurset er betalt og organisert av Norsk Luftambulanse.

Ettertrakta

Kurset har alt vore arrangert fleire stader på Vestlandet, og har vore svært ettertrakta.

– Norsk Luftambulanse blir mest assosiert med akutt behandling, helikopter og undervisning. Dette kan synest litt på sida av det folk set oss i samanheng med, men samstundes er omsorg for pårørande ein naturleg del av jobben til innsatspersonell jobb, seier Steinar Sellevold, regionsjef i Norsk Luftambulanse, region vest.

Politi og brann

Norsk Luftambulanse er også aktiv i annan type opplæring i fylket. Nærmare 200 personar frå politi, brannvesen og ambulanseteneste har vore på kurs for å spissa kunnskapen sin i alt frå redningsarbeid, behandling av akutte skader og sjukdom til trening og førebuing til store ulukker og katastrofar.

– Dette er meir typiske aktivitetar i Norsk Luftambulanse. Men me meiner at kunnskap og evne til å visa omsorg og forståing i vanskelege mellommenneskelege situasjonar også er kunnskapar som helsepersonell treng, seier Sellevold.