Etter å ha vorte sterkt oppmoda av styreleiaren i Helse Førde om å halda fram i Helse Førde-styret, tok Mowatt kontakt med styreleiaren i Helse Vest, Oddvard Nilsen, onsdag, melder Firda.

– Eg tolkar statsrådens utsegner under besøket i Førde som eit signal om at ein skal ha respekt for lokale avgjerder, og eg trur den same haldninga no pregar Helse Vest, seier Mowatt.

Han angrar ikkje på at han forlét styret i protest.

– Eg har også fått mange oppmodingar frå ulike kantar om å halde fram, seier Mowatt.

Styreleiar Oddvard Nilsen stadfester at Mowatt har sagt seg villig til å gå tilbake til styrearbeidet.

Etter at Mowatt trekte seg har Knut Arne Klingenberg frå Årdal og Fjaler-ordførar Arve Helle vorte lanserte som kandidatar til styret i Helse Førde.