Barry Kader tilbake i Sogndal

Barry Kader trente med Sogndal på La Manga i dag, og signerer etter planen kontrakt med klubben han stakk av frå i mai i fjor.

– Me ønskjer å ha Barry med i stallen. Det som skjedde i fjor var ikkje heldig, men spelargruppa har diskutert saken, og har ingen problem med at han no kjem tilbake, seier hovudtrenar Harald Aabrekk til Sogn Avis.

– Me har altfor få spelarar generellt sett, og manglar i tillegg alternativ på venstrekanten. Barry er ein god spelar som kan spela i fleire posisjonar, og vil bli ein viktig del av stallen vår, legg trenaren til.

Stakk av

Kader stakk på tjuvperm til Frankrike i mai i fjor, og har ikkje spelt for Sogndal sidan. Han dukka opp igjen i Sogndal i september, men partane vart einige om å skilja lag.

Sidan dette har Kader etter det Sogn Avis kjenner til prøvd seg for nokre franske klubbar, før han den siste tida har oppholdt seg i Afrika.