Heftig stimsprut er supereffektivt våpen mott tette stikkrenner og isdekte kumlok. Mesta-karane Jon Linde og Arne Lien tok runden og fyrde opp spesialutstyret som gjer is til vatn lett som berre det.

– Me fer over det som er mest kritisk, seier Linde i sentrum av Hermansverk.

Spesialmanøveren i regi av Mesta hadde ei soleklar meining på den grå marsdagen med siste krampetrekningane av kong vinter som har halde iskaldt og langvarig grep på Sogn sidan midten av desember.

– Me byrja like etter jul og ser slutten på istininga, seier Arne Lien.

Veitastrondi, Dalavegen i Sogndalsdalen og Kaupanger har vore regelmessige stogg for dampenturnéen på hjul. Heile Midtre Sogn er med på programmet, i dag stod sørsida for tur.