Byr på open hall
I samband med NM i Fjelltelemark på Leikanger har ungdomsrådet i samarbeid med idrettslaget Syril og Opplev Leikanger teke initiativet til arrangera Open Hall i Saften.
Tilbodet, som er det første i sitt slag i Leikanger, gjeld ungdom mellom 13 og 18 år.
Spennande
– Dette vert spennande, seier Kristian Slinde i ungdomsrådet. Han fortel at Open Hall har vore eit tema etter at fleirbukshallen stod ferdig.
– No er me endeleg klare, og det passar godt å ha Open Hall i samband med eit så spennande arrangement som Noregsmeisterskapet i telemark, seier Slinde.
Først er det premieutdeling i hallen, så overtek ungdommen.
– Sjølv skal eg vera med på rennet, og då vert det ein fin avslutning saman med ungdomen i hallen, seier han.
Ulike aktivitetar
Ungdomane legg opp til eit breitt spekter av tilbod under arrangementet.
– Me har landa på ulike aktivitetar, fortel dei to andre i komiteen, Lina Hæreid og Bjørn Sølsnæs. Det lokale ungdomsbandet, Takras, skal ha ein minikonsert, klatreinstruktørar vil visa veg i klatreveggen, og det er lagt opp til volleyballturnering.
– Me håpar alle klassane stiller lag. Det vert også dans og disko, og truleg nokre akrobatiske øvingar, for dei som vil prøva det, fortel Lina og Bjørn.
Mest lese nett no
Mest populære biletseriar
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
Nye kommentarar