Laurdag var det full rulle i Sogndal kulturhus. Ungar stod seg i kø ein halv time før dørene opna for å vera med på spennande aktivitetane på den populære Kulturspiren, men ikkje alle fekk vera med.

Er for få

– Diverre hender det me må avvisa ungar. Instruktørane gjer ein kjempejobb, men me har rett og slett for få frivillige, seier Kristin Ylvisåker.

Ho har ansvaret for gjennomføringa av Kulturspiren som Sogndal kulturhus står bak. Spiren er inne i det sjette året sitt, og ungar strøymer til. Også på ein flott vinterdag med sol frå knall blå himmel, og snøføre lokkar i fjellet.

– Imponert

– Eg er imponert over alle frivillig som stiller opp ein laurdag. Dei gjer ein kjempeinnsats, til glede for alle ungar, seier Ylvisåker.

Ungane betaler 30 kroner, og så flyttar dei seg frå bord til bord, alt etter kva aktivitetar dei ynskjer å vera med på.

Til stor sorg for mange av ungane fekk dei ikkje brodera på laurdag.

– Me er sårbare når medhjelparar må melda forfall, seier Ylvisåker.

Laurdag var det godt 80 ungar innom dørene.