Toppsjefen for politiet i Sogn og Fjordane tek no bladet frå munnen, og går konkret inn i arbeidet med å omorganisere lensmannsdistrikta i fylket. Først ute er Leikanger, og torsdag informerte han kommunestyret om kvifor han ønskjer å leggja ned lensmannskontoret.

Vil tenkja nytt

Per dags dato har kontoret berre to stillingar, lensmann og kontortilsett. Desse stillingane vil bli flytt til Sogndal, dersom politimeisteren får det slik han vil.

– Det er 23 lensmannskontor i Sogn og Fjordane, av desse har 11 mellom ein og tre stillingar. Skal me klare å skapa den naudsynte tilliten til politiet og få utnytta dei ressursane me har best mogleg, er me nøydde til å tenkja nytt, seier Brekke.

I midtre og Indre Sogn er det fleire små lensmannskontor og truleg vil både Aurland og Balestrand følgja etter Leikanger og bli samanslegne med større kontor. Brekke vil ikkje seia noko konkret om dette enda, men peikar mellom anna på at lensmannen i Lærdal no er konstituert som lensmann i Aurland etter at Kjell Nordgulen gjekk av med pensjon.

Les meir om saka i Sogn Avis i dag.