Sist laurdag mønstra heile mannskoret på «Fjordprins» når den la til kai på Leikanger. Ombord heldt dei konsert – med dei etterkvart berømte t-skjortene på seg.

– Vi hadde og med t-skjorter til mannskapet, noko som var svært populært, fortel kampanjegeneral for få få det gamle FSF-flagget attende, Henning Rivedal.

Vel framme i Bergen vart karane i koret fotograferte på Strandkaien, før dei sette kursen for kjøpesenteret Galleriet. Der song dei for kundar og tilsette, og jamvel stilte fleire i publikum og opp med den svarte t-skjorta med flagg på brystet.

Som Sogn Avis nyleg skreiv, så går salet av t-skjorten strykande. Med dei dei selde og dei som er i bestilling, er det no over 1100 t-skjorter i omløp.