Fylkeskommunen har tildelt kommunar i fylket 19 millionar kroner til innsats innan breiband- og mobildekning.

2,4 millionar går til å betra dekninga i område med svak dekning, og vel 12 millionar vil verta nytta til å styrka kapasiteten gjennom fibernett. I tillegg er kommunane tildelt 4,4 millionar til betring av mobiltelefondekninga.

Støtte til fiberprosjekt

Det er løyvd 2,5 millionar kroner til eit fiberprosjekt i Vågsøy og ein tilsvarande sum til eit prosjekt i regi av sju Nordfjord-kommunar. Jølster har fått 2,3 millionar kroner, Stryn nærare 1,4 millionar og Gaular rundt 1,3 millionar.

Kommunane Askvoll, Balestrand, Luster, Sogndal og Solund har også fått støtte til fiberprosjekt. Dei nemnde prosjekta skal gje raskare breiband, og ved tildelinga er det lagt stor vekt på behovet næringslivet har for betre breibandkapasitet.

God dekning

Dei siste seks åra har staten, kommunane og fylkeskommunen nytta over 140 millionar kroner til breibandutbygging i Sogn og Fjordane. Dette for å sikra ei snøggare utbygging, som også kjem distrikta til gode.

Resultatet er ei breibanddekning på nærmare 98 prosent, og det vert arbeida vidare med gje breiband til dei grendene som enno ikkje er dekka.