Hovland til United

– Me har takka ja til eit sånt treningsopphald sidan det er bra for Even, seier sportsleg leiar i Sogndal Fotball, Trond Fylling, til klubben sin nettstad.

Han tenkjer då både motivasjonsmessig og i høve til at Even treng trening.

– Even har vore ute store delar av sesongen og treng nok trening meir enn ferie. Når han då sjølv ønska dette var det ikkje vanskeleg å seie ja, forklarar Fylling.

Opphaldet er ikkje heilt i boks, men etter planen reiser Even til England 7. desember med retur ei veke etter.

Mange nordmenn

United har vunne den engelske serien dei siste tre åra, og har allereie nordmennene Magnus Wolff Eikrem og Joshua King i stallen.

Tidlegare har som kjend Ole Gunnar Solskjær, Ronny Johnsen og Henning Berg hatt stor suksess for Alex Ferguson sine menn. Også Fulham-spissen Erik Nevland har vore innom klubben.