I ei kåring gjennomført av Hostelling International er Flåm Vandrarheim nummer fem på lista over det beste vandrarheimane i Europa i 2009.

– Dette er fantastisk bra, og det er all grunn til å gratulera Flåm Vandrarheim. For reisemål Aurland og Lærdal er dette ei stor oppmuntring. Me har mange bedrifter som har vunne prisar dette året, og det tyder på svært gode og attraktive produkt, seier leiar i Aurland og Lærdal Reiselivslag, Noralv Distad.

Gjestene stemmer

Vandrarheimen i Balestrand er nummer ti på same liste.

Det er gjestene sjølve som har stemt fram vandrarheimane, og dei er spurde om kva dei tykte om blant anna service, komfort, tryggleik og plassering.

Rundt 3000 vandrarheimar i Europa har vore med i kåringa, og dei to sogneverksemdene kan såleis vera godt nøgde med plasseringane.

Den beste vandrarheimen i Europa er også norsk og ligg i Tønsberg.