Ryddar vekk raset
Arbeidet med å rydda vekk raset og byggja ein mellombels rasvoll på Hæreid starta tidleg fredag morgon.
Ras i Årdal - sjå bilete
Natt til torsdag 3. desember gjekk det eit steinras i eit bustadområde på Hæreid på Årdalstangen.
Sjå bileteSå snart det lysna var entreprenør Olav Birger Hæreid på plass med maskineri for å få rydda vekk dei store steinane som kom ramlande nedover fjellsida natt til torsdag.
På vegen smadra steinane tre-fire mindre uthus som høyrer til garden Hæreid, og her må det ryddast opp før ein mellombels rasvoll kan etablerast.
– Me flyttar no steinane og stablar dei i forlenginga av den eksisterande rasvollen, forklarer leiar i kommunaltekniske tenester, Jan Roy Dalheim.
Overvakar fjellsida
Ordførar Arild Ingar Lægreid opplyste til Sogn Avis i går at arbeidet med å få på plass ei permanent rassikring på staden også vert intensivert i tida framover.
Dei 19 personane som vart evakuert frå heimane sine etter steinspranget torsdag, får tidlegast flytta heim laurdag ettermiddag.
Dalheim opplyser også at det er sett opp vakthald i området som skal overvåka fjellsida medan opprydninga går føre seg.
Mest lese nett no
Mest populære biletseriar
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
Nye kommentarar