Den gamle smia i Vik sentrum blir truleg freda. Det synes vera klart etter at riksantikvar Jørn Holme har vurdert verdien av bygget.

Dermed kan den mykje omtala byggjesaka i Vik få ei dramatisk vending.

Sognekraft har teke sikte på å reisa det nye administrasjonshuset sitt på nabotomta, og tomta der smia står, er utbyggingsreserve. Framdrifta for det nye sentrumsbygget har difor vore knytt opp til den framtidige lagnaden til smia. No ser det ut til at smia skal stå. Riksantikvaren seier det slik til Sogn Avis:

– Me har vurdert smia i Vik, denne er av nasjonal verdi og bør vernast for ettertida.