I Sogn og Fjordane er over 1500 arbeidsuføre på grunn av psykiske helseproblem. Mange av dei vil i arbeid og no introduserer NAV Sogn og Fjordane ulike tiltak som skal hjelpe arbeidsgjevarar med å rekruttera utradisjonelt.

Garanti

Nye tal frå NAV viser at 17 prosent av sjukefråveret i Sogn og Fjordane skuldast psykiske helseproblem. Undersøkingar viser at det å ha ein jobb å gå til, gjer oss friske. Det gjev oss noko viktig å gjera i kvardagen, og ei kjensle av meistring.

No styrker NAV arbeidet med å hjelpa arbeidsgjevarar til utradisjonell rekruttering, og å losa arbeidstakarane inn i jobb.

– Me erfarer at mange som er arbeidsuføre gjerne vil jobbe, og vi gjer det vi kan for å legge til rette, seier Vibeke Johnsen, som er ansvarleg frå NAV Sogn og Fjordane for gjestebodet 17. november. Fleire tiltak er sett i verk i fylket for å hjelpa personar med psykiske helseproblem inn i arbeidslivet, og arbeidsgjevarar til å leggja til rette for inkluderande rekruttering. Blant desse kan ein nemna oppretting av ei eiga stilling som fylkeskoordinator for arbeid og psykisk helse, som hjelper arbeidsgjevarar og arbeidstakarar i rekrutteringsprosessen. Nav Sogn og Fjordane stiller no også med den såkalla tilretteleggingsgarantien til arbeidsgjevarar som tilsett personar på tiltak. Dette garanterer arbeidsgjevarane hjelp frå NAV, når det gjeld økonomisk, fysisk og psykisk tilrettelegging.

– Me i Nav Sogn og Fjordane er med dette førebudd på å gjera vår del av jobben med å få fleire ut i arbeid, seier Johnsen.