Tyyl!, rockarane med sognadialekt som kjennemerke, har måtta avbryta plateinnspelinga si på grunn av asbest i studiolokalet.

Vokalist Håvard Øyrehagen fortel til NRK-programmet Lutt at det er oppdaga asbest i ventilasjonssystemet på skulen der studioet er, og at osloskulen no er stengt i opptil tre år.

Tyyl! var i studio for å spela inn den første langspelaren sin, etter å ha turnert store delar av sommaren. Bandet var blant anna å sjå på Vinjerock, Målrock, i Bergen og i Brønnøysund.

No er jakta på nytt studio i gang.