Kongen opnar Støylsnestunnelen

Måndag kjem Kong Harald til Jølster for å høgtideleg opna Støylsnestunnelen, som skal erstatta ei rasutsett strekning langs Kjøsnesfjorden.

Musikk og prominente gjester

Med på ei rikhaldig markering er også samferdsleminister Magnhild Meltveit Kleppa og kommunalminister Liv Signe Navarsete. Programmet inneheld også mange kulturinnslag, mellom anna frå jølsermusikar Synnøve Bjørset, trubadur Olav Stedje og Jølster musikklag.

Orientering om tunnelen

Vegdirektør Terje Moe Gustavsen, regionvegsjef Olav Ellevset, fylkesordførar Nils R. Sandal er også deltakarar, og prosjektleiarane Odd Erik Haugen ved Statens vegvesen og Peder Ronny Sødal frå entreprenøren Mika, skal fortelja om anlegget.

Dei to som vart innesperra av ras hausten 2004, Roar og David Himle skal også fortelja om si oppleving.