...
TIL SOGNDAL: Vik-spelaren Gustav Valsvik skreiv i går under for Sogndal. Foto: Gunnar Kleven

Gustav Valsvik klar for Sogndal

Skreiv under for klubben i går.

Endre Romøren E-post
Publisert 09.06.2009 kl 10:21 Oppdatert 09.06.2009 kl 10:33

Tips ein venn på e-post:

Valsvik skreiv under for Sogndal etter kampen mellom Vik og Sogndal II måndag kveld.

Dette bekreftar sportsleg leiar og trenar for Sogndal, Karl Oskar Emberland.

– Gustav har skrive kontrakt med oss ut 2012, og me er glade for å få han til klubben, seier Emberland.

Valsvik skal spela for Vik ut sesongen, før han offisiellt vert medlem av Sogndal sin a-stall frå 2010.

Stortalent

Valsvik har vore sett på som eit stortalent i fleire år, og fekk i vinter sin debut på det norske U16-landslaget. I mars var han med Sogndal på deira to veker lange treningsleir på La Manga, der han spelte ein knapp halvtime i kampen mot Nybergsund-Trysil.

– Gustav er stor, sterk, har god speleforståing og ein bra venstrefot. Han er ein spelar me har god tru på skal verta ein framtidig a-lagsspelar for Sogndal, seier Emberland.

Kompensasjon

Sogndal vil ikkje ut med kva overgangssum Vik får for spelaren, men dagleg leiar Yngve Hallén bekreftar at Vik vil få kompensasjon.

– Regelverket seier at moderklubben skal ha kompensasjon for trening og utdanning av spelaren. Vik har fått ein sum av oss som er vesentlig større enn det me er pålagde å betala, då me tykkjer det er viktig at moderklubbane får att for den jobben dei gjer med talentutvikling, seier Hallén.

På framsida no


Flaumen er godt nytt for fisken

Elvane framstår sunnare etter å ha blitt herja av flaum.

...

Eit klart fleirtal er fysisk aktive

Levekåra og livskvaliteten til ungdom i Sogn og Fjordane er i all hovudsak god. På nokre område nærmar utviklinga seg landsgjennomsnittet.

...

Held fram med avhøyr

Etterforskinga av dødsfallet til Veronica Stegegjerdet held fram også denne veka.

...

Statleg skatteoppkrevjing

Staten vil ta frå kommunane arbeidet med både skatteoppkrevjinga og arbeidsgjevarkontrollen.