Russerevyen i Balestrand laurdag kveld viste at også årets kull er samansett av mange kreative elevar.

– Me har jobba mykje med revyen. Tidleg i fjor haust byrja me planlegginga, seier Angela Marie Wahll, som er sjef for revyen 9d more.

Den lange og arbeidsame førebuinga førte til eit over to timar langt program. Tradisjonen tru fekk lærarar og andre tilsette ved Sygna vidaregåande skule køyrd seg gjennom parodiar og andre innslag.

Russen opna og avslutta revyen på ein elegant måte. Songar, der heile russen stemde i, vart framført med ungdomleg pågangsmot. Dei serverte også ein del songar og dansenummer undervegs, og desse blei svært godt mottekne av publikum.

Les alt om russerevyen i dagens Sogn Avis.