Olav med livealbum

– Ja, det stemmer det – og dette blir moro, fortel Olav Stedje på telefonen frå hovudstaden der han nett har gjort unna dei siste detaljane rundt det komande livealbumet med platedirektøren sin, Audun Tylden i Tylden & Co.

Stedje har ikkje tenkt mykje på kvifor han ikkje har laga noko liveplate før, og er meir oppteken av at det no faktisk skjer – snart 28 år etter at den første plata «Ta meg med<$» kom på marknaden.

Frå P1 – scena

Denne liveplata er i sin heilskap henta frå Store Studio i NRK då Olav Stedje var invitert til det populære radioprogrammet P1 – scena der artistar, både norske og utanlandske – blir inviterte til å spela på direkten.

Då Olav Stedje var trekkplaster i fjor vinter stod han på scena saman med Svein Dag Hauge, Per Hillestad, Rolf Graf og Egil Eldøen, så godt som heile Lava med andre ord. Det er utan vidare eit kvalitetsstempel.

Kjende og kjære

I og med at den nye plata – som skal heita «I levande live» – er henta frå denne konserten vart det ikkje rom for noko heilt ny låt.

– Det kunne kanskje ha vore eit poeng å ha med ein låt ingen har høyrt før, men det gjekk ikkje, denne gongen, seier Stedje. I staden er plata spekka med kjende og kjære låtar frå ein lang karriere.

– Ja, det er mange velkjende låtar, låtar eg har reist rundt og spelt over heile landet i ei årrekkje, men det er også låtar frå den siste plata som kom i 2006, seier Stedje.