Det var takka vera Per A. Øren med Odd Arild Lunde i spissen at den populære båten tok turen frå Florø til Sogn for å ta dei yngste balestrendingane på ein liten tur rundt på Esefjorden. I morgon vert det ny sjanse for ungar som ynskjer ein tur med Elias.

– Det var lenge usikkert om me fekk til dette opplegget rundt filmen «Elias og Kongeskipet», men all takk til John Birger Ystebø i Redningsselskapet her i fylket som hjelpte oss å realisera det, seier dagleg leiar ved Friberg Kino, Merete Sande.

Per Ove Mundal var både kaptein, maskinist og styrmann der han cruisa rundt på fjorden med to og to entusiastiske born om bord. Det er noko usikkert korleis Elias skal koma seg attende til Florø, men Merete Sande håpar at nokon med stor bil kan melda seg.