Frå torsdag 21. juni og fire dagar framover slår bygdelaget og reiselivsnæringa i Jostedalen til med det som skal verta ein årleg brefestival. Også Vestlandsforsking tek sikte på at deira nasjonale klimaseminar skal verta ei årleg tilskiping.

Norsk Brefestival i Jostedalen skal setja fokus på forsking kring klima og berekraftig utvikling. Og så skal det lagast mykje leik og moro på og under breen i regi av brebygda sine mange aktivitetsverksemder.

– Me har sydd saman eit program der me blandar aktivitetar og naturopplevingar med vitskap og kunnskap. Og så vert det sjølvsagt litt fest og moro, seier Peder Kjærvik, sjef for Breheimsenteret.