...
TAP: Rebecca Brun Steinheim, Stine Kauppi Straumsheim og resten av Jotun-jentene prøvde så godt dei kunne å stoppa volda i dag. Foto: Morten Sortland

Mista sigeren på slutten

Jotun tapte laurdag den første av to kampar mot sterke Volda.

Morten Sortland E-post
Publisert 09.09.2012 kl 00:57 Oppdatert 10.09.2012 kl 08:38

Tips ein venn på e-post:



Gjestane som har ambisjonar om opprykk til 1. divisjon denne sesongen synte seg som det sterkaste laget då dei vann med tre mål laurdag kveld.

Stillinga enda til slutt 24-27. Til pause leia sunnmøringane med fem mål 9-14.

Store forandringar

Jotun har mange forandringar på laget som spelte i 1. divisjon i fjor. Fleire nøkkelspelarar har takka for seg, medan Olafur Sveinsson er attende som trenar for klubben han forlot for fem år sidan.

Og den islandske trenaren mønstra eit ungt mannskap som likevel beit godt frå seg i Årdalshallen i kveld.

Grøntrøyene fekk ein tøff start på kampen, men hang på som kleggar. Det gjorde at Volda aldri leia med meir enn fem mål på det meste. I store periodar var det eitt og to mål som skilde laga.

Henta inn bortelagets leiing

Om lag ti minutt etter pause la Sveinsson om på formasjonen, og dette gav fort resultat.

18. minutt ut i 2. omgang hadde Jotun-jentene henta inn bortelagets leiing og tok for første gong i føringa i kampen like etter.

Dei neste ti minuttane leia Jotun som regel med eitt mål, men nokre taktiske feil og dårlege avslutningar på tampen gjorde at Volda tok tilbake leiinga minuttet før slutt.

Det unge Jotun-mannskapet makta ikkje å utlikna på sine store sjansar. Det gjorde derimot dei blåkledde som auka leiinga ein og to gonger i siste speleminutt.

Fleire lyspunkt trass tap

Gledeleg for heimepublikummet i Årdal var det å sjå fleire lovande jenter på Jotun som er på veg til å ta nokre nye steg i karrieren. Av desse imponerte Malin Øyre (17), Kristine Lindborg (18) og Camilla Nundal (16) særleg. I tillegg spelar meir rutinerte Rebecca Brun Steinheim (17) med stor sjølvkjensla utpå parketten.

Hyggeleg var det også å sjå gledesspreiaren Stine Kauppi Straumsheim som har gjort comeback i Jotun-drakta etter ei stund fråvær.

Polsk forsterkning

Elles fekk årdølene for første gong sjå Agnieska Tyda i aksjon. Polakken debuterte nemleg foran sitt nye heimepublikum, og den høgreiste midtbacken gjorde ein god figur då ho dekka svære rom på bana og blokka fleire av Volda sine skotforsøk.

Søndag kan Jotun få revansje då laga spelar ny treningskamp i Årdalshallen.

På framsida no


...

Statsministeren møter dei flaumråka i Flåm

Erna Solberg kjem til Flåm for å treffa innbyggjarar, lokal kriseleiing og innsatspersonale.

Flåm etter flaumen

Sjå foto av flaumskadene.

...

Tek i mot gjenstandar

Flåm Musikklag har etablert mottak for gjenstandar som blir funne etter flaumen i Flåm.

...

Slepp koka drikkevatnet

Drikkevatnet til abonnentane på Aurlandsvangen og i Flåm er no friskmeldt, medan undredølene må koka drikkevatnet sitt.