...
NY SIGER: Åse Neraas jublar etter 2-0 scoringa på heimebane mot Høyang onsdag.

Kaupanger slo Høyang

Vann ein oppskriftsmessig 2–0 siger på heimebane onsdag kveld.

Endre Romøren E-post
Publisert 22.08.2012 kl 20:59 Oppdatert 22.08.2012 kl 21:03

Tips ein venn på e-post:



Guro Hauge gav dei grønkledde leiinga etter 25 minutt, då ho sette ballen i mål etter litt att og fram inne i Høyang sitt 16-meter.

Ikkje så altfor mykje skjedde resten av omgangen, før veteranen Åse Neraas dobla til 2–0 timen ut i oppgjeret. Stine Hovland slo ein fin ball i bakrom, Neraas var kald frå 15-16 meter og lobba ballen i nettet.

Bortelaget heldt opprykkskandidaten frå fatet stort sett resten av kampen, fram til Neraas og Hovland fekk kvar sin sjanse i sluttminuttane utan uttelling.

– Lugga litt

– Det lugga litt for oss i dag, der me var upresise offensivt og merka at me har spelt tre kampar på åtte dagar. Men me er solide defensivt og held nullen for tredje kamp på rad, og det er trepoengarar me jobbar for å få, seier trenar Marius Bøe til Sogn Avis etter kampen.

Sjølv om prestasjonen var på det jamne finn trenaren fleire ting å gleda seg over etter lagets tredje straker siger i haustsesongen.

– Josefine (Sannebro) spelte sin beste kamp etter at eg tok over som trenar. Ho var fantastisk på venstrebacken, og har teke enorme steg. I tillegg viste Malin (Fjæren) kvifor me henta ho frå Høyang, då ho vinn mange duellar på midtbana og gjer gode val med ballen, seier Bøe.

Kaupanger spelar ny heimekamp komande søndag, mot Klepp 2.

På framsida no


...

Her kjem eit nytt motbakkeløp

Neste haust vil eit heilt nytt løp vera klart for dei som likar å løysa sveitten i motbakkar. Målsnora vert plassert på Raudmelen i Balestrand.

...

Slutt på laurdagspost

Regjeringa la onsdag eit forslag til ny postlov og postføreskrift ut på høyring.

...

Må låna 23 millionar meir til helsesenter

No må Sogndal ta opp meir lån for å realisera det nye helsesenteret.

...

Vil la ungdom prøva seg som journalistar

Er du mellom 15 og 19 år har lyst til å prøva deg som journalist – og samtidig tevla om fine premiar?