...
BOM: Fjøra-spiss Arild Underdal fortvilar etter å ha bomma på ope mål frå fem meter i dagens 2-3 tap mot Sandane.

– Tidenes bom

Arild Underdal brende ein sjanse han sjølv omtalar som "tidenes bom" då Fjøra tapte på heimebane mot Sandane fredag.

Endre Romøren E-post
Publisert 17.08.2012 kl 19:15 Oppdatert 17.08.2012 kl 21:26

Tips ein venn på e-post:



Gigasjansen kom kvarteret før slutt på stillinga 2–3. Ola Ødegård kom seg rundt på høgresida, og slo flatt inn framfor mål der Underdal var åleine med det opne buret.

Spissen sette breisida til frå 4,8 meter, men på utruleg vis gjekk ballen over tverrliggjaren.

– Det er tidenes bom. Eg veit eigentleg ikkje kva som skjedde. Eg var for sikker på å scora, og var ikkje konsentrert nok. Målet var ope, og eg skal scora der, seier ein betutta Underdal til Sogn Avis etter kampslutt.

Fjøra kom ikkje nærmare scoring etter dette, og tapte dermed sin andre kamp for sesongen.

– Det øydela kampen for oss. Med scoring der kunne me pressa på og tatt sigeren, men i staden får me ingenting, seier Underdal.

Leia to gonger

Det såg lysare ut for Fjøra tidlegare i kampen, då dei raudkledde leia to gonger Mats Nondal sette inn 1–0 etter 22 minutt, Sandane utlikna like etter pause, før Hjellhaug scora åleine med keeper ti minutt inn i andre omgang.

Men Sandane slo raskt tilbake, og snudde kampen etter to kjappe scoringar av brørne Ruben Wie og Mads Wie.

– Me slepper inn enkle mål. Sandane har gode spissar, men dei fekk spela seg for lett fri i bakrom der me burde ha god kontroll. Det er dårleg av oss, seier Underdal.

På framsida no


...

Tettar gamal lekkasje

Det vert arbeidd med å tetta ein gamal vasslekkasje i tårnet på Stedje kyrkje.

...

Miljøløftar 90 meter riksveg

Frå måndag blir det kronglete å koma seg gjennom sentrum i Leikanger.

...

Gulljenter

Sogndal henta heim gullmedaljen i B-finalen.

...

Gullgutar

Syril sine 14-års gutar kunne løfte pokalen etter finalesiger i B-sluttspelet.