...
NY KONTRAKT: Eirik Skaasheim (19) har signert for tre nye år med Sogndal.

Skaasheim skreiv under

Eirik Skaasheim (19) er klar for tre nye år i Sogndal Fotball.

Endre Romøren E-post
Publisert 09.08.2012 kl 18:57 Oppdatert 09.08.2012 kl 20:03

Tips ein venn på e-post:



Høgrebacken frå Balestrand vart samd med klubben om ein ny avtale denne veka, som strekkjer seg fram til 1. august 2015.

– Eg har alltid hatt lyst til å halda fram i Sogndal, då eg veit at det er best for min eigen utvikling. Klubben kom med eit godt tilbod både eg og dei er nøgde med, difor er eg glad for å skriva under, seier Skaasheim til Sogn Avis.

Har spelt alt

Skaasheim signerte proffkontrakt like før sesongstart i mars, men etter å ha spelt samtlege 18 seriekampar så langt i årets sesong har han no fått ein ny og forbetra avtale.

– Eirik har vist flotte takter, utvikla seg mykje og spelt meir enn me tørte å håpa på. Difor vil me premiera han med ein avtale som gir han eit løft økonomisk, men like viktig - det gir han langsiktigheit i høve eiga utvikling, seier assistenttrenar i Sogndal Fotball, Håvard Flo til Sogn Avis.

– No kan me utvikla Eirik vidare innan våre rammer, slik at han ein dag kan steget vidare til eit høgare nivå, seier Flo.

– Har skapt historia sjølv

Historia til Skaasheim er som teken ut av eit eventyr. Frå spel i 4. divisjon med Sogndal 2 til fast plass i eliteserien og møte med Molde og Rosenborg på eit par månader.

– Det er ei veldig flott historie. Me har gitt Eirik sjansen - ja - men han har først og fremst skapt denne historia sjølv. Han har teke nivået fort, jobbar steinhardt i kvardagen, og har ein veldig audmjuk haldning til det han driv med, seier Flo.

– Alfa omega for meg har vore den tilliten eg har fått. I periodar der eg ikkje har prestert godt nok har klubben likevel backa meg opp heile vegen, noko som har ført til at eg har klart å slå tilbake, seier Skaasheim, som etter alle solemerker startar sin 19. eliteseriekamp på rad når Rosenborg kjem på besøk til Fosshaugane Campus søndag.

På framsida no


...

– Folk bør øva meir på brann i heimen

Ei ny haust og vinter står for døra, og det er på tide å tenkja brannøving i heimen.

...

Ligg godt an til å vinna 4G-dekning

Balestrand og Hamlagrø leiar konkurransen på Vestlandet om å få 4G-mast. Avstemminga går føre seg til 12. oktober.

...

Skal sikra tryggare vintertransport

Samarbeid mellom Statens vegvesen og bedrifter skal gjera vinteren enklare.

...

Jaudå, fylkesprofil og elitespel går hand i hand

Endre Romøren kommenterer debatten om fylkesprofil og Sogndal Fotball.