...
SIGER: Tomålsscorar Arild Underdal (i midten) vert gratulert av Daniel Fylling (t.h.) og Ørjan Hjellhaug etter 3?1 scoringa mot Lærdal tysdag. Fjøra vann til slutt 5?2.

Fjøra senka Lærdal

Fjøra kutta avstanden til serieleiar Sogndal 2 til fem poeng då dei slo Lærdal 5–2 på bortebane i 4. divisjon tysdag.

Endre Romøren E-post
Publisert 31.07.2012 kl 22:00 Oppdatert 31.07.2012 kl 22:31

Tips ein venn på e-post:



Debutant Mats Nondal gav fjørene leiinga på ein retur etter 35 minutt, før same mann heada inn 2–0 på eit hjørnespark få minutt seinare.

Halvveges ut i omgangen vart også Arild Underdal tomålsscorar, då han la på til 3–0 og 4–0, der scoring nummer to kom på straffespark.

Gav seg ikkje

Men jumboplasserte Lærdal gav seg likevel ikkje, og skapte litt spenning i kampen etter to kjappe reduseringar av Kim Bjørkum og Simen Øren. Begge måla var fine avslutningar frå distanse, som Fjøra-keeper Håvard Bøyum kunne gjera lite med.

Men like før slutt gjekk bortelaget opp til 5–2, og innkasserte dermed tre poeng i sin første kamp på haustsesongen.

– Me plukkar tre poeng, og det er bra nok. Kampen var litt ruskete frå vår side, der me var lite samstemte og mangla presisjon og timing. Hadde dette vore betre kunne me scora langt fleire mål, seier Fjøra-trenar Kjell Ertesvåg til Sogn Avis etter kampen.

Liten opptur

For Lærdal vart kampen ein liten opptur, sjølv om det vart tap for 12. gong av 13 moglege i årets sesong.

– Me gav dei kamp, og tapte ikkje med veldig stygge siffer slik me har gjort tidlegare i sesongen. Men kreftene ebba ut, og me tapte for eit lag som er eit hakk eller to betre enn oss. Dei har meir vaksne spelarar, og eit betre system over spelet sitt, seier Lærdal-stoppar Øystein Lindesteg Rinde til Sogn Avis.

Dermed har lærdølene framleis berre eitt poeng i årets sesong, og er suverent sist på tabelleb. Lindesteg Rinde vil likevel ikkje konkludera med at det vert nedrykk til 5. divisjon.

– Det vert vanskeleg å unngå, men me må ha trua og spela til det er slutt. Det er mange kampar igjen enno, seier han.

Tap, tap, tap

Elles gjekk det fullstendig skeis for sognelaga i 4. divisjonsrunden tysdag. Balestrand vart knust 0–7 på bortebane mot Jølster, Kaupanger hang ikkje saman før pause og tapte 0–3 på heimebane mot Skavøypoll, medan Veitastrond rauk 2–3 mot Dale heime på Leikvoll Stadion.

I den siste kampen leverte Høyang varene, då dei slo Førde 2 4–2 heime på Sletta.

Kampens store hending kom etter 64 minutt, då keeper Jaran T. Vefring sitt utspark gjekk over heile bana og i mål bak Førde-keeper Martin Nygård til 3–1.

Høyang sine øvrige mål vart scora av Morten Kåre Øen Eriksen, Vegard Lambrechts og Tommy Verøy.

På framsida no


...

Statsministeren møter dei flaumråka i Flåm

Erna Solberg kjem til Flåm for å treffa innbyggjarar, lokal kriseleiing og innsatspersonale.

Flåm etter flaumen

Sjå foto av flaumskadene.

...

Tek i mot gjenstandar

Flåm Musikklag har etablert mottak for gjenstandar som blir funne etter flaumen i Flåm.

...

Slepp koka drikkevatnet

Drikkevatnet til abonnentane på Aurlandsvangen og i Flåm er no friskmeldt, medan undredølene må koka drikkevatnet sitt.