Jon-Hermann Hegg fekk fyrsteplassen i baneskyting søndag, med ein poengsum på 350. Han har dermed kvalifisert seg til 350-klubben, klubben for skyttarar som har fått den høgst moglege poengsummen, nemleg 350 poeng.

– Eg er kjempeglad! Dette betyr veldig mykje for meg, seier Hegg.

Einaste i Noreg

Hegg er i dag den einaste frå klassa si i Noreg som har kome med i klubben. Skyttarane som kan kvalifisera seg til 350-klubben må vera i junior-, rekrutt eller eldre rekruttklasse. Hegg er rekrutt, som er skyttarar frå 10–13 år.

Trent i fire år

Hegg har delteke på skyteskule i fire år, og har drive med konkurransar i tre av desse. Han skyt for Hegg skyttarlag, som held til i Borgund. Han har tidlegare delteke i NM, der han tok ein tredjeplass. Om to helgar skal han delta i landsskyttar-stemnet.

– Målet er å nå 350 poeng der også, seier den ivrige skyttaren.