TALENTPRIS: Ørjan Hopen (20) er tildelt Statoils Talentpris for april. Sponsoransvarlig for Statoil, Magnus R. Amundsen sto for utdelinga.

Hopen fekk talentpris

Sogndal-spelaren Ørjan Hopen (20) er tildelt Statoils Talentpris for april.

Endre Romøren E-post
Publisert 08.07.2012 kl 21:51 Oppdatert 08.07.2012 kl 22:59

Tips ein venn på e-post:



Prisen er eit samarbeid mellom Norges Fotballforbund, TV2 og Statoil. Sju talent vil få prisen gjennom sesongen, der éin av desse vert kåra til «Årets Talent» ved sesongslutt.

– Det er utruleg artig å få ein slik pris. Det gir meg motivasjon til å «gassa på» og prøva å vidareutvikla meg, seier Hopen.

Gir til breiddefotballen

Kvar månadsvinnar får 50.000 kroner han eller ho skal gje til ein eller fleire klubbar som har betydd mykje for utviklinga deira. Hopen gir denne summen til breiddefotballen i Sogndal.

– Dei har betydd mest for meg. Eg har spelt i Sogndal heile livet, seier 20-åringen, som slo i gjennom i eliteserien førre sesong med sine seks seriemål og livsfarlege dødballar.

Byrja bra

Hopen byrja bra også i årets sesong med scoring i serieopninga mot Odd Grenland og målgjevande i bortesigeren over Vålerenga, men sidan har formkurva peikt nedover.

Sogndølen har vore henvist til benken i fleire kampar, før han var attende i startellevaren mot Tromsø laurdag i Per-Egil Flo sitt skadefråvér.

– Eg har slite sidan mai, og kjend meg tung i kroppen. Men eg kjenner meg lettare i beina no, og satsar på å koma sigande framover, seier Hopen i kjend stil.

– Førebilete

Juryen for kåringa består mellom anna av toppfotballsjef Nils Johan Semb og trenar for G17-landslaget Bård Flovik.

Grunngjevinga for prisen er denne:

– Ørjan har spelt svært godt så langt i sesongen for Sogndal Fotball. Han har bidrege til stabilt spel på eit godt Sogndal-lag, og han har vore veldig sentral i alle situasjonar der mål kan gjerast med sin presise og gode venstrefot. I tillegg til hans gode venstrefot har Ørjan ein god speleforståing og er ein svært hardtarbeidande spelar, skriv juryen.

– I tillegg må det nevnast at han har takla utfordringane sine utanfor bana på ein forbilledleg måte, noko som gjer talentet hans enda tydelegare og sterkare. Gjennom sitt gode humør og ærlegheit rundt desse utfordringane kan dette fort gjera han til ein enda bedre spelar på bana. Ørjan framstår som haldningssterk, treningsviljug og kontinuerleg på jakt etter å utvikla seg vidare, legg juryen til.

På framsida no


...

Opplever busselskapets reaksjon som hån

Mette Eidslott, som mista dotter si i bussulukka i Fardal, er opprørt og sjokkert over at ein buss frå same selskap køyrer forbi heile ferjekøen inn i Fodnestunnelen og over korleis selskapet handterer saka.

...

Lokal finale for Sogndal

Sogndal møter eit lag frå fylket i finalen. Syril har også eitt lag i finale i B-sluttspelet.

...

Nedgang i arbeidsløysa

– Også i juli ser me noko overraskande ein liten nedgang i arbeidsløysa i fylket vårt, fortel Knut Steinar Eitungjerde, fungerande direktør i Nav.

...

Rauk i semien

Jentene til Syril, J14, møtte overmakta i semifinalen. Gutelaget fekk same lagnaden.