Øyvind Heiberg Sundby og Therese Sjursen oppfylde arrangøren og publikum sine voner.

Full kontroll

Dei to pynta løyperekorden for herrer og damer. Dei hadde båe full kontroll gjennom det 4,7 kilometer lange løpet og klatra inn på nye bestetider og løyperekordar i Feios. For det fekk dei 5700 kroner kvar. Vidasete Opp 2012 samla 60 løparar i konkurranseklassen. Kvinnene sin løyperekord er frå i fjor, på 41.40, sett av Therese Sjursen. Søndag blei denne flytt ned av innehavaren sjølv, med 22 sekundar, til 41.18.

Fem sekundar

Mennene si bestetid i sporet opp til varden på 1227 meter over havet er frå 2010, sett den gongen av Øyvind Heiberg Sundby. Søndag blei den to år år gamle tida, på 34.41, justert ned med fem sekundar, til 34.36. Det er ny bestetid i sporet til Vidasete.

Han blei aldri skikkeleg utfordra denne gongen, men unge Ole Martin Erdal frå Førde tok innpå i siste delen av løpet. Ungguten slo Feios sin eigen Leif Bjørn Grindedal i eit spurtoppgjer. Dei to kom inn på 36.20 og 36.31.