...
Sogndal slit tungt mot Fredrikstad. Foto: Wantana Tierney.

Sogndal tapte første kamp på nytt gras

Fosshaugane: Fredrikstad slo Sogndal 1-3 på Fosshaugane fredag kveld. Les alt om kampen her.

Publisert 29.06.2012 kl 20:31 Oppdatert 29.06.2012 kl 22:52

Tips ein venn på e-post:


...
Jonas Olsson må klara seg utan Badji i dag.

Ulrik Flo reduserte for Sogndal etter eit nesten einsidig press mot Jon Knudsen etter sidebyte. Så la Ole Jørgen Halvorsen på til 1-3 for gjestene. Dermed vart det tap for Sogndal i den første kampen på nytt kunstgras.

Du kan følgja kampen her.

Halvorsen fekk god tid til å sikta inn, og skrudde ballen inn i lengste hjørna bak Kenneth Udjus. Og han avgjorde dermed i realiteten kampen framfor vel 5000 tilskodarar.

Sogndal sin toppscorar Ulrik Flo reduserte til 1-2 då han nikka ballen i ein perfekt boge over keeper. Han forfølgde eit langt utspark frå Kennth Udjus.

Ørjan Hopen svei like før ein stor sjanse til utlikning. Med høgrefoten ! sette han ballen til side for mål frå seks-sju meter.

Så small ballen i tverrliggjaren og ned bak gjestene sin keeper.

Før pause sette Lund Tveter ballen i nettet etter litt att og fram inne i feltet etter corner og gav FFK 0-2.

Khalifa Jabbie sende gjestene i føringa på eit velplassert skot etter ei avklaring frå Hannu Patronen.

Han scora dermed det første målet på kunstgras på Fosshaugane. Det var heilt fortent at gjestene leia etter spel og sjansar.

Heimelaget sleit med å forstå korleis det skal spelast på eit så slett og fint underlag. Slo alt for mykje langt og høgt. Alt for mange feilpasningar.

Bra med folk på Fosshaugane i kveld, minst 4000 , og fine forhold.

Badji er, førebels uvisst av kva grunn, verken i startoppstillinga eller på benken.

Sogndal stiller slik: Kenneth Udjus, Eirk Skaasheim, Hannu Patronen, Gustav Valsvik, Taijo Teniste - Malick Mane, Eirik Bakke, Henrik Furebotn, Per Egil Flo - Ulrik Flo og Tonny Brochmann Christensen.

Fredrikstad: Jon Knudsen - Andreas Langren, Vidar Martinsen, Jørgen Horn, Benjamin Dahl Hagen - Ole Jørgen Halvorsen, Hans Erik Ramberg, Simen Rafn, Khalifa Jabbie - Alexander Ruud Tveter, Tarik Elyounoussi.

Ordførar Jarle Aarvoll overrekte blomar til Sogndal Fotballs styreleiar Tor Arne Ness og gratulerte med nytt kustgrasdekke og det han kalla landets flottaste totalanlegg.

På framsida no


...

70 hus i faresona

Kring 35 bustadhus og like mange fritidsbustader ligg innanfor det som vert rekna som rasfarleg område. No vil kommunen få vurdert rasfaren meir eksakt og avklara eventuelt kva tiltak som kan setjast i verk.

...

Sjekka over 70

Trafikkontroll i Årdal i ettermiddag.

...

Sådde tvil om bremsespor

Forsvaret til den tiltalte bussjåføren brukte i retten i dag store deler av tida til å så tvil om Statens vegvesen sin rapport om funn av bremsespor etter ulukka.