Steinar Wold jubla for utlikninga i det 58. minuttet, minuttet etter vart midtstopparen utvist og Tornado Måløy kunne endeleg jubla etter seks strake tap.

Vik tapte kampen 4-2 og innsatsen sette eit sterkt preg på spelarane som hadde all grunn til å hengja med hovudet.

– Me leverer ein forferdeleg dårleg kamp, seier Steinar Wold.

– Helt og litt syndebukk i løpet av eitt minutt?

– Ja...Eg var først på ballen men var kanskje litt hard med motspelaren i sekundet etter. Sjølv meiner eg det var hardt dømt, seier Wold.

Svein Erik Saglien skåra det andre målet for Vik. Endre Kupen og Martin Flåten skåra begge to mål for gjestene.