...
Henriette Helle viste nok ein gang målteft i kampen mot Loddefjord, der det vart to nettkjenningar. Her i aksjon mot Førde. Foto: Arkivfoto

Sterk avslutning

Kaupanger skåra fire mål i siste kamp før fotballferien.

Publisert 23.06.2012 kl 16:54 Oppdatert 23.06.2012 kl 17:01

Tips ein venn på e-post:



Kaupanger-damene vann 4–1 borte mot Loddefjord laurdag ettermiddag, i det som var siste kamp i vårsesongen.

Martine Wolff Nesse skåra på straffe i første omgang. I andre omgang hadde KIL full kontroll og Elisabet Nilsen og Henriette Helle (2) sikra ein komfortabel siger. Begge måltjuvane kom inn ut i andre omgang, og dei tre måla kom på tampen av kampen.

– Det er fullt fortent. Me hadde kontroll, men måtte skru opp nokre hakk i pausen. Loddefjord gjorde det litt vanskeleg for oss ved å liggja lågt, men det visste me på førehand. Det var alt i alt ei grei gjennomføring, seier trenar Marius Bøe om kampen.

Tidlegare i veka spelte Kaupanger uavgjort 2-2 heime mot Førde, og Kaupanger-trenaren meiner det var viktig for å få med seg tre poeng mot Loddefjord.

– Det var ein slitekamp. Det har vore ein lang vårsesong med hard oppkøyring, og spelarane er litt slitne i beina og hovudet, seier Bøe.

No er det pause til 12. august og Kaupanger er blant topplaga i 2.divisjon.

– Spelarane har trent utruleg hardt og godt. Dei har reist mykje, og det har vore eksamensperiode, så ferien er vel fortent. Me er i rute og er godt nøgde med vårsesongen, seier Bøe.

På framsida no


...

Kommunal armod gir kreative løysingar

Fuglane tek seg til rette ved Vik bygde og sjukeheim.

...

Vegopning etter planen

Gaular-fjellet og Sognefjellet opnar til 1. mai.

...

70 hus i faresona

Kring 35 bustadhus og like mange fritidsbustader ligg innanfor det som vert rekna som rasfarleg område. No vil kommunen få vurdert rasfaren meir eksakt og avklara eventuelt kva tiltak som kan setjast i verk.

...

Sjekka over 70

Trafikkontroll i Årdal i ettermiddag.