...
SUPERKJERINGAR: Jonny Øvrebø og Bertine Thorsnes Lefdal. Foto: Håvard Nesbø

Årets Superkjeringar

Jonny Øvrebø og Bertine Thorsnes Lefdal er årets Superkjeringar.

Publisert 14.04.2012 kl 14:20 Oppdatert 14.04.2012 kl 18:16

Tips ein venn på e-post:


...
ENDELEG: Etter ti forsøk vart Jonny Øvrebø vinnar av herreklassen. Foto: Håvard Nesbø
...
UNG: Bertine Thorsnes Lefdal vart Superkjering i debuten. Foto: Håvard Nesbø
...
STORESLEM: Det vart Luster sin dag med siger i både herre og dameklassen. Nøgde vinnarar Bertine Thorsnes Lefdal og Jonny Øvrebø. Foto: Håvard Nesbø

Kjeringi Open 2012

Sjå foto frå folkelivet og årets konkurranse!


Den tjuande utgåva av Kjeringi Open fekk ikkje det heilt beste veret, men frå toppen av Kjeringi til Hanahaug ved Sognefjorden var det Jonny Øvrebø(40) frå Høyheimsvik i Luster som var raskast Superkjering i herreklassen.

– Eg har vore med ti gonger før, men aldri vunne før. Dette var litt overraskande, men veldig kjekt, sa Øvrebø etter målpassering. Han kom inn på tida 53 blank. Hakk i hæl kom ein annan lustring, 18 år gamle Jacob Meløy, han hadde tida 53,42.

Og damene frå Luster ville ikkje vere noko dårlegare. Debutanten Bertine Thorsnes (16) Lefdal tok sigeren i dameklassen.

Langrennsjenta frå Gaupne gjorde det knallsterkt på langrennsetappen. Totaltida til Bertine vart 56,20.

– Telemark har eg køyrt berre ein gong før i år, men det gjekk forbausande bra det også, sa ei hoppande glad og veldig ung Superkjering.

Og lustringane gjorde verkeleg storeslem i årets Kjeringi. Team Luster vart første lag som passerte målstreken.

I forkant av løpet var det påmeld over 600 deltakarar, 121 lag og 184 Superkjeringar. Det er ei auke på nesten hundre frå i fjor.

På framsida no


Fekk lufta bekymringar og moglegheiter

Dialogen mellom kunnskapsminister Torbjørn Røe Isaksen og styreleiar Heidi Kathrin Osland ved Høgskulen i Sogn og Fjordane var positiv etter møtet i Oslo torsdag.

...

Takka for prisen med ein vals

Arve Bjørn Røneid fekk kulturprisen frå Luster kommune.

...

Seier ja til kraftverk

NVE rår Olje- og energidepartementet til å gje Sognekraft AS løyve til å byggja Leikanger kraftverk i Grindselvi og Henjaelvi i Leikanger.

...

Rygga i grøfta etter å ha møtt stengd veg

Forstod ikkje skiltet som sa at vegen var stengd.