– Eg er nøgd med det offensive då det er bra å scora 45 mål, medan det er for mykje å sleppa inn 23 bakover, oppsummerer trenar Øyvind Indrebø etter kampen, som vart spelt i Naustdal.

Tok kommandoen

Jotun tok kommandoen frå start, og leia 10–1 etter 10 minutt. Førde heva seg dei siste 20 minuttane av omgangen, der pauseresultatet vart 20–9.

Etter kvilen heldt oppgjeret fram i same sporet, der Jotun scora to for kvar gong Førde scora eitt. Vita Mukhina og Hege Bakken Wahlquist var toneangivande for grøntrøyene, og noterte seg for henhaldsvis 11 og 12 scoringar kvar.

Trekning torsdag

– Kampen vart prega av at me fekk 10–1 sopass tidleg. Me datt litt nedpå etter dette, og hadde ikkje den nødvendige intensiteten i forsvarsspelet vårt, seier Indrebø.

Trekning av 1/8-finalane vert gjort klokka 12.00 torsdag, der trenaren håpar på heimekamp mot ein av divisjonskollegaene Gjerpen eller Bjørnar.

– Det hadde vore artig å møta ei av desse, seier han.